منتدى الامجاد

عزيزنا نرجو منك التسجيل أو تسجيل الدخول ان كنت مسجلاً من قبل

انطلاقه نحو المستقبل

اداره منتدى الامجاد ترحب بزوارها الكرام وكل عام وانتم بخير
منتدى الامجاد.......ثقافه ........ابداع........متعه
منتدى الأمجاد يتمنى لأعضائه دوام التوفيق والنجاح

    تخيل وضحك

    شاطر
    avatar
    Admin
    مؤسس المنتدى

    عدد المساهمات : 285
    نقاط : 4185
    السٌّمعَة : 1
    تاريخ التسجيل : 06/06/2009

    تخيل وضحك

    مُساهمة من طرف Admin في الأحد يناير 10, 2010 12:16 pm

    هع موضووووع يفطس من الضحك الموووهم هو طوويل بس ممتع

    المهم .. تخيلوا البنات يخطبون الاولاد
    يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك على السيسي الابيض..
    الا و امك داخلة عليك و توها جاية من الاستراحة و تقولك: يا ولدي ودي اكلمك في موضوع. .
    ترد انت بكل خوف : خير يمه؟ ....
    تقول امك: ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك؟ ....
    ثم تنزل انت راسك في الارض و تلعب باصبعك في شعرك (او شنبك)و ترد و انت مستحي و خدودك حمرة (هذا اذا كنت محلق اللحية) و تقول: ....
    الراي رايك والشور شورك يايمه..
    تقول امك: انا بصراحة ما اشوف في البنت شي. .

    ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
    ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
    تقول انت : بس يا يمه هي ما شافتني من اول. انا دايما متلطم بشماغي (والله عيب بس بكمل)
    تقول امك: هي شافتك و انت نازل من باص المدرسة (الله واكبر يالروز رايز)...

    بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
    و تراها هي و امها جايين يوم الخميس علشان يشوفونك..
    تسال انت: طيب يا يمه ابوي وش رايه؟
    تقول امك: ابوك ما يدري خليه حايس في المطبخ الله يعينه..
    تقول انت :اللي تشوفينه يمه. .وتطلع امك من الغرفة
    وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

    و تقول : اه اخيرا حسَت و خطبتني. ( لا لا لا والله ما يصير بس بكمل)
    و قبل يوم الخميس تروح انت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك بحلاوة و تطلع زي فلقة القمر

    وتجي البيت و تلبس الثوب اللي فصلته عند المصمم( عبده شولق) لثياب الاعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة
    ويقولك ابوك : يالله دخل العصير على خطيبتك ترى امك ذبحتنا تسال عنك
    تقول انت بكل خجل: واي واي يا يبه انا استحي

    ابوك يقولك وهو يطق على كتفك و يضحك يا ولد روح لعروسك إهئ إهئ
    تقول انت: يا يبه دايما تحرجني انت واي واي
    و تاخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم(صاير حكيم على غفلة)
    ترد هي بعد ما وقفت و عليكم السلام ( و هي تناظر فيك و في كل قطعة فيك) ...
    و تقولها تفضلي....
    تقول هي: وش الاحلى العصير الاحمر و لا الاصفر؟ بزعمها تبي تلطف الجو معك <...تتلصق.
    تقول انت: كله حلو
    تقول هي: اكيد كله حلو لانك انت اللي مسويه

    ثم تحط الصينية بسرعة و يدك على فمك و تضحك و تروح داخل بسرعة
    ياربييييييييييييييه
    الا اخوانك يستنونك و يقولون: ها وشلون شكلها

    تقول انت: واي واي تهبل تهبل حلوة و دمها خفيف و ذوق اهههههااي
    الا ابوك من المطبخ يزغرط
    لللللللوووولللللوووووشششش شششش مبروك يا ولدي

    الا بدخلة اختك العربجية من بره و حاطه عبايتها على كتفها و تقول : خير وش فيه !!
    يقوله ابوك : قصري صوتك في وحده داخل خطبت اخوك ..
    تقول اختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لالعن شكلها اللي جايه تخطب اخوي شباب آخر زمن <<< والله وصرتم يالبنات تقولونها
    الا بدخلة امك و تسطر اختك كف و تطلع اختك بالسيارة و تفحط و تروح للاستراحة البنات <..تخيلوا عاد

    و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي ( ومن هناك ودك و بتموت)و انت تقول لا لا عيب احد يشوفنا( يعني لو ماحد يشوفنا ترى عادي)
    و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
    وشوي الا العفسة قايمة : ترى العروس جايه
    و ينطون الرجال و الشباب كلن يلبس شماغه و يتلطم ..
    و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة خمسة) و تقولك: الله صاير مثل القمر

    ثم تلف وجهك وانت مستحي
    و يتم الزواج و بعد تسعة شهور الا انت تصرخ في الليل فيك الطلق
    و يودونك المستشفى و تولد و تجيب توأم

    وتطلع من المستشفى الى بيت اهلك علشان النفاس <....حركات
    و تاخذها زوجتك فرصة و تسافر مع البنات و يهيصون قبل ما تخلص مدة نفاسك الله يساعدك

    و ترجع لبيتك تربي عيالك و تطبخ الغدا لزوجتك

    وتتخانقون ساعات و تنام و دمعتك على شنبك

    ويزيد حدة الخلاف و تاخذ شماغك و عيالك و تروح لبيت اهلك

    و تصلح امك ما بينكم و ترجع الحياة مثل اول.....

    أرجوا أن تحوز على رضاكم

    ملطوووش بس ب
    حرافه قو
    وويه


    _________________
    avatar
    تيتو
    مشرف
    مشرف

    عدد المساهمات : 226
    نقاط : 3734
    السٌّمعَة : 3
    تاريخ التسجيل : 09/10/2009
    العمر : 34
    الموقع : مكه

    رد: تخيل وضحك

    مُساهمة من طرف تيتو في الإثنين يناير 11, 2010 12:40 am



    _________________
    مع تحيات تيتو)[img]
    avatar
    غريب
    مشرف
    مشرف

    عدد المساهمات : 184
    نقاط : 3772
    السٌّمعَة : 0
    تاريخ التسجيل : 06/06/2009
    الموقع : مكه المكرمه

    رد: تخيل وضحك

    مُساهمة من طرف غريب في الإثنين يناير 11, 2010 5:25 am


    ههههههههههههههههههههههههههههه
    لا قدر الله ذلك
    شكرا على الموضوع الجميل


    _________________
    من وجد الله فماذا فقد

    سمسم
    مشرف
    مشرف

    عدد المساهمات : 132
    نقاط : 3507
    السٌّمعَة : 0
    تاريخ التسجيل : 02/11/2009

    رد: تخيل وضحك

    مُساهمة من طرف سمسم في الثلاثاء يناير 12, 2010 9:29 am

    ههههههههههههه
    فله اشكرك على المتعة الرائعة

      الوقت/التاريخ الآن هو الثلاثاء ديسمبر 11, 2018 2:20 pm